البقاء لله مــا في أحـد دايــم
هذا القدر وكل شيء مكتوب
بوادعك وأنـــا المغرم الهايم
الذنب ذنبي وأنــا كلي ذنوب
بوادعــك وبوادع حتى النســايم
يلي ضيعتني وسط ذيك الدروب
يالليل خلاص يكفي من الضلايم
مـا يكفيك الجراح من كل صوب
واليــوم يالغالي جــاي شاد العزايم
ناوي تسافر وقاصد صوب الجنوب
يقال من يطول الغيبات يجيب الغنايم
بعد الغيــاب وأن طـال تراه محسوب
وداعة الله يــا عسى تشوف النعــايم
بصبر على بعادك وأنا ع صبر مغصوب
النــوم في عيوني والــجو غـــايم
والنــوم بعد فراقك حــل مــرغوب
إذا طــول غيــابك وشفت الطير حــايم
أعرف إن الموت حق والعزاء موجوب
موضوع: اهداء الى المرحوم موسى البلوشي 
الجمعة ديسمبر 13, 2013 10:05 am
